ABŞ Suriya ilə bağlı sanksiya siyasətində yeni mərhələyə keçib

ABŞ Suriyanı terrorizma sponsorluq edən ölkələr siyahısından çıxarmaq prosesinə başlayıb.

''The Daily Baku''nun məlumatına görə, bu barədə ABŞ dövlət katibi Marko Rubionun yazılı bəyanatında deyilir.

Onun sözlərinə görə, Vaşinqton administrasyasının rəhbəri Donald Tramp daha əvvəl Konqresə Suriyanı siyahıdan çıxarmaq niyyəti barədə məlumat verib. Bu, ABŞ qanunvericiləri tərəfindən administrasiyanın təqdim etdiyi məlumatlara əsasən 45 günlük araşdırmanın yekunlarına əsasən baş verməlidir. Onlar belə bir addım üçün əsasın kifayət olub-olmadığını qiymətləndirəcəklər.

Rubio vurğulayıb ki, Suriyaya qarşı sanksiyaların ləğvi beynəlxalq ticarət və investisiya üçün imkanlar açacaq.