The Daily Baku
Finlandiya lideri Avropa əməkdaşlığının gücləndirilməsini təklif edib
4 iyun 2026
15:41

Finlandiya Prezidenti Aleksandr Stubb Avropa İttifaqının (Aİ) genişləndirilməsi təşəbbüsü ilə çıxış edərək, üzv ölkələrin sayının 27-dən 40-a qaldırılmasını və Kanadanın quruma qəbul olunmasını təklif edib.
"The Daily Baku" xəbər verir ki, bu barədə məlumatı CNBC telekanalı paylaşıb.
"Kanadanın ABŞ-nin 51-ci ştatı yerinə, Avropa İttifaqının 28-ci üzvü olması möhtəşəm deyilmi?" - deyə dövlət başçısı vurğulayıb.
Stubbun fikrincə, Avropa İttifaqı qlobal miqyasda mövqeyini gücləndirməli və daha geniş düşünməlidir. O, ittifaqa mümkün namizədlər kimi Türkiyə, keçmiş Yuqoslaviya respublikaları, Albaniya, Norveç, İslandiya, Ukrayna, Moldova və Gürcüstanı sadalayıb.
© 2026 The Daily Baku. Bütün hüquqlar qorunur.
https://dailybaku.az/az/article/finlandiya-lideri-avropa-emekdasliginin-guclendirilmesini-teklif-edib