Roma və Paris Livana yardım məqsədilə birgə təşəbbüs irəli sürüb

İtaliya və Fransa BMT-nin Müvəqqəti Qüvvələri (UNIFIL) missiyasının başa çatmasından sonra Livanı dəstəkləmək üçün koalisiya yaratmaq barədə razılığa gəliblər.

"The Daily Baku"nun məlumatına görə, İtaliyanın Baş naziri Gorcia Meloni bunu Antibedəki ikitərəfli sammitdən sonra Fransa Prezidenti Emmanuel Makronla keçirdiyi mətbuat konfransında açıqlayıb.

"BMT-nin missiyası ilin sonunda başa çatır və biz Livanı dəstəkləmək üçün koalisiya yaratmaq, UNIFIL-dən sonrakı plan hazırlamaq qərarına gəldik", - o deyib.

Meloni əlavə edib ki, yaxın gələcəkdə Livana həsr olunmuş beynəlxalq konfrans keçiriləcək.

Onun sözlərinə görə, əsas məqsəd Yaxın Şərqdə təhlükəsizliyi təmin etməkdir. "İtaliya və Fransa həmişə Livanda olub və buna görə də ölkələrimizin beynəlxalq missiyaya rəhbərlik etməsi tamamilə təbiidir. Biz sıfırdan başlamayacağıq. Livan hakimiyyətinə ərazi nəzarəti üzərində inhisarçılığı təmin etmək kimi əsas məqsədi qorumaq vacibdir. Aydın və strukturlaşdırılmış mandat lazımdır, UNIFIL-də çatışmayan bir şey", - o izah edib.