Deputat sosial şəbəkələrdə məsuliyyətin artırılmasını təklif edib

Sosial şəbəkələrdə məzmun yaradılması qaydalarının sərtləşdirilməsinə ehtiyac var.

"The Daily Baku" xəbər verir ki, bunu deputat Kamal Cəfərov Milli Məclisin növbədənkənar sessiyasının bugünkü iclasında deyib.

Deputat bu konteksdə Çin təcrübəsinin effektiv ola biləcəyini vurğulayıb.

K.Cəfərov sosial şəbəkələrdə müşahidə olunan neqativ halların cəmiyyətə mənfi təsir etdiyini bildirib:

"Bəzən təhsili olmayan şəxslər hər hansı istiqamət üzrə çox məsuliyyətsiz tövsiyələr verirlər. Ailələri manipulyasiya edərək boşanmağa inandırırlar, saxta, əlçatmaz xoşbəxt həyat modeli yaradırlar, hamıya eyni pəhriz proqramı verirlər və sair. Bütün bunlar geridönüşü olmayan hüquqi nəticələrə gətirib çıxarır. Hesab edirəm ki, bu məsələ də araşdırılmalı və ciddi dəyişikliklər həyata keçirilməlidir".