Yuri Boçarov: 20 yanvar bakılıların taleyini dəyişən və insan həmrəyliyini üzə çıxaran sınaq idi

Bakıda doğulub boya-başa çatmış, burada təhsil almış israilli politoloq Yuri Boçarov 20 Yanvar faciəsi ilə bağlı xatirə və düşüncələrini “The Daily Baku” ilə bölüşüb.

Onun sözlərinə görə, 1990-cı il yanvarın 20-si yaddaşında sadəcə bir tarix kimi qalmayıb. Bu gün onun üçün Bakıda həmin günlərdə torpağa tapşırılan insanların simaları, dostların və qonşuların acı taleyi, şəhəri bürüyən ağrı və itkilərlə dolu ağır xatirələr kimi yaşayır. Politoloq vurğulayıb ki, o hadisələr Bakının və bakılıların taleyində dərin iz buraxmaqla yanaşı, bir nəsil üçün həyatın necə qəfil dəyişə biləcəyini göstərən unudulmaz bir sınaq idi.

“Biz o dövrdə Bakıda yaşayırdıq və baş verənləri birbaşa öz gözlərimizlə gördük. Qorxu, çaşqınlıq, dərin ağrı və vaxtilə ‘böyük ölkə’ adlandırılan mərkəzi hakimiyyətin tam acizliyi açıq şəkildə hiss olunurdu. Özünü xilas etməyə çalışan bu sistem artıq insanları qorumaq iqtidarında deyildi. Məhz həmin günlərdə ağır bir həqiqət ortaya çıxdı – böyük dövlət dağılırdı”.

Y.Boçarov vurğulayıb ki, mən uzaqda olsam da şəhərlə olan insani və mənəvi bağımı heç vaxt itirmədim. O günlərdə əsl bakılıların  milliyyətindən, dinindən asılı olmayaraq  bir-birinə necə dayaq olduqlarını gördük. Həqiqi Bakı məhz bu həmrəylik idi və bu gün də elə qalır. Biz hamını xatırlayırıq. 20 Yanvar bizim üçün əbədi bir matəm günüdür”.

Politoloqun fikrincə, bu acı xatirələrdə işıq gətirən yeganə məqam Azərbaycanın sonrakı taleyidir: “Bu gün təsəlli verən odur ki, şəhərimiz və Azərbaycan bu ağır sınaqlardan keçə bildi, möhkəmləndi və öz milli liderlərinin rəhbərliyi altında güclü bir dövlətə çevrildi. Artıq Azərbaycan təkcə regionda deyil, bütün dünyada tanınan və söz sahibi olan ölkədir”.

O qeyd edib ki, İsrail vətəndaşı olmasına baxmayaraq, Azərbaycanla bağlılığı dəyişməyib: “Biz  Bakını və Azərbaycanı tolerantlıq, qardaşlıq və insana hörmət mədəniyyətinə görə sevirik. Bu dəyərlər burada heç vaxt şüar olmayıb, həyat tərzi olub. Ona görə də 20 Yanvar xatirəsi təkcə itki ağrısı deyil, həm də insan ləyaqətinin, həmrəyliyin və düzgün dövlət və insani seçimin hansı qiymətə başa gəldiyini xatırladan bir dərsdir”.

Y.Boçarov vurğulayıb ki, mən uzaqda olsam da şəhərlə olan insani və mənəvi bağımı heç vaxt itirmədim.  Mən uzaqda olsam da sozunü üçüncü şəxsdə ver .O, uzaqda olsada Bakı ilə insani və mənəvi bağını heç vaxt itirməyib.