Bakıda "Qafqazda ilk ürək transplantasiyası" mövzusunda dəyirmi masa keçirilir

Səhiyyə Nazirliyi ilə Azərbaycan Ürək və Damar Cərrahiyyəsi Cəmiyyətinin birgə təşəbbüsü əsasında "Qafqazda ilk ürək transplantasiyası: Azərbaycan səhiyyəsinin tarixi nailiyyəti və gələcək perspektivlər" mövzusunda dəyirmi masa təşkil olunur.

"The Daily Baku" xəbər verir ki, tədbir çərçivəsində müvafiq dövlət qurumlarının nümayəndələri və tibb sahəsinin aparıcı mütəxəssislərinin iştirakı ilə ürək transplantasiyası əməliyyatlarının elmi və praktik əhəmiyyəti, eləcə də bu sahədə perspektiv inkişaf istiqamətləri müzakirə ediləcək.

Tədbir çərçivəsində Milli Məclisin Səhiyyə Komitəsinin sədri Əhliman Əmiraslanov, Səhiyyə nazirinin müavini Nadir Zeynalov, Orqan donorluğu və Transplantasiyası üzrə Koorsinasiya Mərkəzinin sədri Yeganə Abbasova və digər rəsmilər çıxış edəcəklər.

Qeyd edək ki, ötən il Azərbaycanda və bütövlükdə Qafqaz regionunda ilk dəfə olaraq ürək transplantasiyası əməliyyatı uğurla icra olunub.