Ukrayna növbəti 12-18 ay ərzində Avropa İttifaqına (Aİ) daxil olmaq üzrə danışıqların əksər fəsillərini bağlamağa və artıq 2027-ci ildə üzvlük haqqında müqavilənin imzalanmasına başlamağa qadirdir.
"The Daily Baku" "İnterfaks-Ukrayna"ya istinadən xəbər verir ki, bunu Avropa və Avro-Atlantik inteqrasiyası məsələləri üzrə baş nazirin müavini Taras Kaçka Ali Radada "Hökumətə suallar saatı" zamanı bildirib.
Kaçka xatırladıb ki, Aİ danışıqlar klasterlərinin açılması üçün tələbləri (bençmarkları) Ukrayna tərəfinə əvvəlcədən təqdim edib.
"Ümumilikdə bizdə Aİ-nin 145 tələbi var. Onların əksəriyyəti Ukrayna qanunvericiliyinin ittifaqın standartlarına uyğunlaşdırılmasına, eləcə də institutların gündəlik iş praktikasına aiddir. Bütün bu tələblər realdır. Növbəti 12-18 ay ərzində danışıqlar fəsillərinin əksəriyyətini bağlamaq və növbəti il Aİ-yə daxil olmaq haqqında müqavilənin imzalanmasına nail olmaq olar", – Kaçka deyib.
© 2026 The Daily Baku. Bütün hüquqlar qorunur.