"Türk Hava Yolları"nın İstanbul–Katmandu reysini həyata keçirən sərnişin təyyarəsi Nepalın Tribhuvan Beynəlxalq Hava Limanına eniş etdiyi zaman yanğın təhlükəsi ilə üzləşib.
"The Daily Baku" BBC Türkcə-yə istinadən xəbər verir ki, təyyarə eniş etdikdən sonra sağ eniş qurğusunda qığılcımlar müşahidə olunub və daha sonra yanğın baş verib.
Təyyarədə 277 sərnişin və 11 ekipaj üzvünün olduğu vurğulanıb. Bildirilib ki, hadisə zamanı sərnişinlər təxliyə olunub, xəsarət alan olmayıb.
"Türk Hava Yolları" rəsmi açıqlama yayaraq qeyd edib ki, yanğına səbəb hidravlik boruda texniki nasazlıqdır.
© 2026 The Daily Baku. Bütün hüquqlar qorunur.
https://dailybaku.az/az/article/turkiye-sirketine-aid-teyyarede-enis-zamani-yangin-qeyde-alinib