Türk ekspert: Azərbaycan–ABŞ münasibətləri yeni regional və qlobal əməkdaşlıq mərhələsi yaradır

Hazırda dünya beynəlxalq əlaqələrdə müəyyən dərəcədə qeyri-müəyyənlik və jeopolitik gərginlik dövrünü yaşayır. Bu şəraitdə dövlətləri və xalqları birləşdirən nəqliyyat koridorları xarici siyasət strategiyalarının həyata keçirilməsində əsas alətlərdən birinə çevrilib. Bu koridorlar həm də sabitlik təmin edən amildir və strateji xətlərin qorunmasında mühüm rol oynayır.

Bunu "The Daily Baku "-ya açıqlamasında beynəlxalq münasibətlər üzrə ekspert Halit Hamzaoğlu bildirib.

Ekspert bildirib ki, öngörüləbilən bölgə perspektivi üçün koridorların yaratdığı kommunikasiyalar böyük imkanlar təqdim edir. "Azərbaycan–ABŞ münasibətlərində əldə olunan strateji irəliləyiş regional və qlobal səviyyədə yeni əməkdaşlıq mexanizmlərinin yaradılmasına şərait yaradır. ABŞ Vitse-prezidenti Cey Di Vensin Bakıya tarixi səfəri isə bu əlaqələrin strateji mahiyyətini açıq göstərib."

Hamzaoğlu qeyd edib ki, Trans-Xəzər xəttinin kəsişdiyi məkanda Azərbaycan–ABŞ qarşılıqlı maraqlara əsaslanan əlaqə modelini inkişaf etdirməsi regional  kommunikasiyanı. gücləndirir."

"Bu çərçivədə Azərbaycan Türkiyənin prioritet verdiyi Orta Dəhliz layihəsində əsas rol oynayır.  Orta Dəhliz yalnız iqtisadi və ticari baxımdan deyil, həm də humanitar və mədəni əlaqələrin dərinləşdirilməsi üçün xüsusi əhəmiyyət daşıyır." 

Halit Hamzaoğlu əlavə edib ki, 8 avqustda Ağ Evdə keçirilmiş zirvə nəticəsində ABŞ vasitəsilə Azərbaycan və Ermənistan arasında əldə olunmuş razılaşma regional əməkdaşlıq üçün zəmin yaradır. Bu əməkdaşlıq Türkiyənin Cənubi Qafqazda sabitlik təmin edən vizyonu ilə uyğunluq təşkil edir.

Ekspert Orta Dəhliz və Tramp Koridorunun qarşılıqlı tamamlayıcı layihələr olduğunu vurğulayaraq deyib: “Bu tamamlayıcılıq sayəsində Cənubi Qafqazda güclü sülh atmosferi yaratmaq mümkündür. Orta Koridor öngörüləbilən jeoekonomik şəbəkənin formalaşmasını təşviq edir və bağlantısallıq baxımından xüsusi əhəmiyyət daşıyır. Türkiyə və Azərbaycan Trump Koridorunu da eyni prioritetlər çərçivəsində inkişaf etdirir. Nəticədə Türk Dünyası qlobal bağlantılarda əsas bir mərkəzə çevrilə bilər.”

Hamzaoğlu qeyd edib ki, bu nəqliyyat marşrutlarının tamamlayıcılığı regional əməkdaşlıq mexanizmlərinin effektivliyini artırır və işbirliyinin qalıcı sülhə yönəlməsini təmin edir. Ekspertin fikrincə, Cənubi Qafqazda qalıcı sülhün təmin edilməsi üçün iqtisadi inteqrasiya həyati önəm daşıyır. 

"Nəqliyyat dəhlizləri isə bu inteqrasiyanın əsas katalizatoru kimi çıxış edir və öngörüləbilən siyasi mühitin formalaşmasını sürətləndirir. Nəticədə bu, sülhün daimi elementə çevrilməsinə və yeni əməkdaşlıq modellərinin inkişafına xidmət edəcək."