TAP ilə Azərbaycandan Avropaya qaz tədarükü sifarişlərinin həcmləri dəyişməyib

Azərbaycan təbii qazını Avropaya nəql edən Trans-Adriatik Boru Kəməri (TAP) Yunanıstanın Kipoi çıxış nöqtəsindən yanvarın 12-dən 20-dək 363 milyon 848 min 997 kVt/saat həcmində sifariş alınıb.

Bu barədə "The Daily Baku" TAP-ın elektron platformasına istinadən xəbər verir.

Bu, yanvarın 5-dən 12-dək olan sifariş göstəriciləri ilə müqayisədə dəyişməz qalıb.

Yunanıstanın Komotini çıxış nöqtəsindən yanvarın 12-dən 20-dək hər gün üçün gündəlik sifarişlər ötən həftənin göstəricisi kimi 28 milyon 674 min 418 kVt/saat həcmində qeydə alınıb.

Yunanıstanın Nea Mesimvria çıxış nöqtəsindən yanvarın 12-dən 20-dək 30 milyon 346 min 301 kVt/saat həcmində sifariş alınıb. Bu, daha əvvəlki həftənin sifariş həcmi ilə müqayisədə eynidir.

İtaliyanın Melenduqno çıxış nöqtəsindən qazın tədarükü üçün 12-dən 20-dək 304 milyon 828 min 278 kVt/saat həcmində sifarişlər qəbul edilib. Bu da daha əvvəlki həftənin sifariş həcmi ilə müqayisədə sabit qalıb.

Xatırladaq ki, Trans-Adriatik Boru Kəmərinin tikintisi 2020-ci ilin oktyabrında başa çatıb. TAP-ın ümumi uzunluğu 878 km-dir ki, bunun da 550 km-i Yunanıstanın şimal hissəsindən, 215 km-i Albaniya ərazisindən, 105 km-i Adriatik dənizinin dibi ilə, 8 km-i isə İtaliya ərazisindən keçir. Azərbaycan qazının TAP vasitəsilə İtaliya, Yunanıstan və Bolqarıstandakı istehlakçılara tədarükünə 2020-ci il dekabrın 31-dən başlanılıb.