Səfir: Tramp ABŞ-ın İrana hücum etmək niyyətində olmadığını deyib

ABŞ prezidenti Donald Tramp İrana hücum etmək niyyətinin olmadığını rəsmi Tehrana bildirib.

"The Daily Baku" “Dawn” nəşrinə istinadən xəbər verir ki, bu barədə İranın Pakistandakı səfiri Reza Amiri Moqəddəm danışıb.

O vurğulayıb ki, dünən Tramp ABŞ-ın İrana hücum etməyəcəyini bəyan edib və İrandan ABŞ-ın regiondakı maraqlarını hədəfə almamağı istəyib.

Qeyd edək ki, İran ABŞ tərəfindən hücuma məruz qalacağı təqdirdə, bu ölkənin regiondakı hərbi bazalarını hədəfə alacağı ilə bağlı xəbərdarlıq edib.