Saar “Hizbullah”a qarşı ortaq mübarizənin vacibliyini vurğulayıb

İsrailin xarici işlər naziri Gideon Saar ölkənin Livanla ciddi fikir ayrılıqlarının olmadığını bildirib.

"The Daily Baku" xəbər verir ki, bu barədə o, prezident iqamətgahında İsrailin Müstəqillik Günü münasibətilə keçirilən qəbulda çıxış edərkən bildirib.

"Bizim Livanla böyük münaqişələrimiz yoxdur. Sərhədlərin demarkasiyası məsələləri ilə bağlı həlli mümkün bir sıra kiçik fikir ayrılıqları var", - Saar deyib.

O həmçinin əlavə edib ki, Livanla birbaşa danışıqlara başlamaq barədə tarixi qərar qəbul edilib - bu, 40 ildən çox müddət ərzində bir ilkdir.

Nazirin sözlərinə görə, Livan "Hizbullah" hərəkatı vasitəsilə faktiki olaraq İranın təsiri altında olan "uğursuz dövlət" olaraq qalır.