Rusiya İndoneziyaya 150 milyon barel neft tədarük edəcək

İndoneziya xüsusi qiymətə 150 milyon barel Rusiya neftinin tədarükü barədə bu ölkə ilə razılığa gəlib.

"The Daily Baku" xəbər verir ki, bu barədə Cakartanın energetika və ətraf mühit üzrə xüsusi elçisi Haşim Cocohadikusumoya istinadən İndoneziyanın həftəlik "Tempo" nəşri yazır.

Onun sözlərinə görə, saziş İndoneziyaya potensial iqtisadi sarsıntılar halında nefti ölkə daxilində bufer kimi saxlamağa imkan verəcək.

"İndoneziya Rusiya hökumətindən iqtisadi tərəddüdləri gözləyərkən saxlaya biləcəyimiz 150 milyon barel neftin verilməsi barədə öhdəlik alıb", - Cocohadikusumo bildirib.