Prezident İlham Əliyev Pezeşkiana Xameneinin ölümü ilə bağlı başsağlığı verib

Prezident İlham Əliyev İran İslam Respublikasının Prezidenti Məsud Pezeşkiana bu ölkənin Ali Rəhbəri Ayətullah Seyid Əli Xameneinin ölümü ilə bağlı başsağlığı verib.

"The Daily Baku" xəbər verir ki, başsağlığında deyilir:

"Hörmətli cənab Prezident,

İran İslam Respublikasının Ali Rəhbəri Ayətullah Seyid Əli Xameneinin faciəvi vəfatı xəbəri bizi dərindən kədərləndirdi.

Bu ağır itki ilə əlaqədar Sizə, mərhumun ailəsinə və dost İran xalqına dərin hüznlə başsağlığımızı ifadə edir, səbir və dözüm arzulayırıq.

Ayətullah Seyid Əli Xamenei uzun illər ərzində İran dövlətinin və cəmiyyətinin həyatında mühüm rol oynamış, ölkəsinin siyasi və dini həyatında xüsusi yer tutmuş şəxsiyyət olmuşdur. Onun vəfatı İran üçün böyük itkidir.

Bu çətin gündə dost və qardaş İran xalqına sülh, sabitlik və əmin-amanlıq arzulayırıq".