Netanyahu Amerika mətbuat orqanına qarşı məhkəmə iddiası hazırlayır

İsrailin Baş naziri Binyamin Netanyahu fələstinlilər haqqında məqaləyə görə Amerikanın "The New York Times" (NYT) qəzetini məhkəməyə vermək qərarına gəlib.

"The Daily Baku" xəbər verir ki, bu barədə yəhudi dövlətinin Baş nazirinin ofisinin saytında məlumat verilib.

"Netanyahu və xarici işlər naziri Gideon Saar, indiyə qədər dərc olunmuş ən dəhşətli və təhrif olunmuş yalanlardan birini dərc etdiyinə görə "New York Times" qəzetinə qarşı məhkəmə iddiası qaldırmağı əmr etdilər", - deyə məlumatda qeyd olunub.

Vurğulanıb ki, bu, "NYT" jurnalisti Nikolas Kristofun nəşri ilə bağlıdır. Onun ən son məqaləsi 11 mayda dərc olunub.