Ermənistanın "TRIPP Development Company" (Tramp marşrutunun operatoru) birgə şirkətinə töhfəsi əsasən tikinti hüquqları və infrastrukturun istifadəsi ilə bağlıdır.
"The Daily Baku"nun Ermənistan KİV-inə istinadən verdiyi məlumata görə, bunu xarici işlər naziri Ararat Mirzoyan Vaşinqtonda ABŞ Dövlət katibi Marko Rubio ilə görüşünü şərh edərkən bildirib.
Görüş zamanı onlar iki ölkə arasında "Beynəlxalq Sülh və Rifah üçün Tramp Marşrutu" (TRIPP) layihəsinin həyata keçirilməsi üzrə çərçivə sazişi haqqında birgə bəyannaməni təsdiqləyiblər.
A.Mirzoyanın sözlərinə görə, mövcud payların bölgüsü 49 il müddətinə hesablanıb və layihənin biznes modeli, eləcə də investisiyaların geri qaytarılması müddəti ilə əlaqəlidir: "Sazişin daha 50 il uzadılmasından sonra payların nisbəti dəyişəcək və demək olar ki, bərabər olacaq".
© 2026 The Daily Baku. Bütün hüquqlar qorunur.