Kobaxidze Azərbaycanın WUF13 təşkilini yüksək qiymətləndirib

Azərbaycan Ümumdünya Şəhərsalma Forumunun 13-cü sessiyasını (WUF13) yüksək səviyyədə təşkil edib.

''The Daily Baku''nun məlumatına görə, bunu Gürcüstanın Baş naziri İrakli Kobaxidze WUF13 çərçivəsində Liderlər Sammitində bəyan edib.

"Göstərdiyi qonaqpərvərliyə və WUF 13-ün yüksək səviyyədə təşkilinə görə Azərbaycan Respublikasına minnətdarlığımı bildirmək istərdim", - Baş nazir qeyd edib.

Onun sözlərinə görə, forum təcrübə mübadiləsinin aparılması, təhlükəsiz və inklüziv cəmiyyətlərin ümumi baxışının təşviq edilməsi üçün çox mühüm platformadır.

"Bu gün şəhərlər iqlim dayanıqlığı və mənzil təhlükəsizliyindən davamlı inkişaf və sosial birliyə qədər demək olar ki, bütün əsas qlobal çağırışların mərkəzindədir. "Gələcək nəsillər üçün cəmiyyətlərimizin sabitliyi, rifahı və dayanıqlığı şəhər məkanlarını necə planlaşdırmağımızdan, inkişaf etdirməyimizdən və qorumağımızdan asılıdır", - Kobaxidze qeyd edib.