Karim Badavi Misirin enerji tranziti və tərəfdaşlıq imkanlarını vurğulayıb

Misir karbohidrogen sənayesində əlavə dəyər zəncirlərinin yaradılması məsələlərində Xəzər regionu üçün əhəmiyyətli tərəfdaş kimi çıxış etmək iqtidarındadır.

"The Daily Baku"nun məlumatına görə, bunu Misirin neft və mineral ehtiyatlar naziri Karim Badavi 31-ci Bakı Enerji Forumu çərçivəsində bəyan edib.

"Misir həm Xəzər regionu, həm də Avropa üçün əsas tərəfdaş olmaq iqtidarındadır. Biz karbohidrogen "molekulları" sektorunda əlavə dəyərin artırılması üçün marşrutların formalaşdırılmasından danışırıq: bu, həm onların Misirin neft emalı müəssisələrində emal edilməsinə, yüksək əlavə dəyərli məhsulların bu bazara geri ixracına, həm də saxlama obyektlərinin tikintisinə aiddir.

Belə bir yanaşma gələcəkdə saxlama və dəyər yaradılması sahəsində kommersiya baxımından yeni cəlbedici layihələrin işə salınmasına imkan verəcək. Müvafiq olaraq, bütün regionda qarşılıqlı əməkdaşlıq potensialı olduqca genişdir", - K.Badavi qeyd edib.