İrana qarşı sanksiyalar Mərkəzi Asiyanın logistika xəritəsini yenidən formalaşdırır

İran ətrafında vəziyyətin kəskinləşməsi, Vaşinqtonun qərarları Mərkəzi Asiya dövlətlərini logistik strategiyalarını yenidən nəzərdən keçirməyə məcbur edir. Bu məsələdə alternativ kimi Pakistan ön plana çıxır.

İran ətrafında yaşananlar region ölkələrini alternativ yollar axtarışına çıxarıb. Mərkəzi Asiyanın iki qüdrətli dövləti - Qazaxıstan və Özbəkistan çıxış yolunu Pakistanla əməkdaşlığı genişləndirməkdə görürlər.

"The Daily Baku" mövzu ilə bağlı "Kaspi" qəzetinin məqaləsini təqdim edir:

"İrandakı qeyri-sabitlik və Vaşinqtonun Tehranla ticarətə görə 25 faizlik rüsum tətbiq etmək hədələri Astana və Daşkəndi Pakistan limanlarına və İslamabadla iqtisadi əlaqələrin inkişafına yönəldib. İki ölkənin prezidentləri Kasım-Jomart Tokayev və Şavkat Mirziyoyevin İslamabada ardıcıl səfərləri regionun nəqliyyat prioritetlərinin dəyişdiyini göstərir. Cənub vektoru Tokayev və Mirziyoyevin Ərəbistan dənizi vasitəsilə dünya bazarlarına çıxışı diversifikasiya etmək səylərində əsas istiqamətə çevrilir.