Hörmüzdə Fransa gəmisinə hücum qeydə alınıb

Fransanın "CMA CGM" gəmiçilik qrupuna məxsus gəmilərdən biri - "San-Antonio" konteyner gəmisi Hörmüz boğazında hücuma məruz qalıb.

"The Daily Baku" xəbər verir ki, bu barədə "Reuters" agentliyi şirkətin məlumatına istinadən məlumat yayıb.

Hücum nəticəsində gəminin ekipaj üzvləri yaralanıb, "San-Antonio" isə zədələnib. Xəsarət almış ekipaj üzvləri təxliyə edilib və onlara tibbi yardım göstərilir.

"CMA CGM"in məlumatına görə, hadisə çərşənbə axşamı baş verib. Şirkət hadisə ilə bağlı əlavə şərh verməkdən imtina edib.