İraq aprel ayında Hörmüz boğazı vasitəsilə təxminən 10 milyon barel neft ixrac edib.
"The Daily Baku" "The Times of Israel" qəzetinə istinadən xəbər verir ki, bunu İraqın neft naziri Basim Məhəmməd bildirib.
Qeyd edilib ki, ABŞ və İsrailin İrana qarşı əməliyyatı başlamazdan əvvəl İraq bu marşrutla ayda təxminən 93 milyon barel ixrac edib.
Bundan başqa, nazirin sözlərinə görə, İraq Kərkük-Ceyhan boru kəməri vasitəsilə neft ixracını davam etdirir:
"Biz Ceyhan limanı vasitəsilə gündəlik 200 min barel ixrac edirik və bu həcmi gündəlik 500 min barelə çatdırmağı planlaşdırırıq".
B.Məhəmməd əlavə edib ki, İraq həmçinin ölkənin hasilat və ixrac imkanlarını artırmaq üçün OPEC ilə əməkdaşlıq etmək niyyətindədir. Bağdad istehsal gücünü sutkada 5 milyon barel neftə çatdırmağı nəzərdə tutur.
© 2026 The Daily Baku. Bütün hüquqlar qorunur.