Fransalı deputatlar ABŞ-də ICE-yə yardım göstərmək üçün texnoloji şirkətlə bağlanan müqavilə ilə bağlı izahat tələb edirlər

Fransanın ən böyük texnologiya şirkətlərindən biri olan Capgemini-nin ABŞ-ın Göç və Gömrük Nəzarət Agentliyi (ICE) ilə milyonlarla dollarlıq müqavilə imzalaması Parisdə kəskin etiraza səbəb olub. Bu müqavilə çərçivəsində Capgemini-nin ABŞ-dəki törəmə şirkəti "CGS" “skip tracing” adlanan texnikadan istifadə edərək ICE-yə müəyyən şəxslərin yerini tapmaqda və deportasiya əməliyyatlarına dəstək verməkdə yardım etməyi qəbul edib ki, bu da Fransa ictimaiyyətində insan haqları baxımından ciddi narazılıq yaradıb.

"The Daily Baku" bildirir ki, Deputatlar və hökumət rəsmiləri bu növ müqavilələrin şəffaflığını tələb edir və bu cür əməkdaşlığın insan hüquqları normalarına uyğun olub-olmadığını sorğulayırlar.

Fransa maliyyə naziri Roland Lescure Capgemini-yə bu müqavilə ilə bağlı Parlamentdə açıqlama verməyi və şirkətin fəaliyyətini daha şəffaf şəkildə izah etməyi tələb edib. Capgemini isə söz konusu müqavilə barədə yalnız son zamanlarda mətbuat vasitəsilə məlumat əldə etdiyini və bu işin şirkətin adi fəaliyyətindən fərqli olduğunu bildirərək daxilində araşdırma aparıldığını söyləyib.