Dövlət qulluğu vəzifələri üzrə imtahanlara qeydiyyat başladı

15 mart 2026-cı il tarixində dövlət qulluğu vəzifələrinin A növünə (inzibati rəhbər vəzifələr) aid AB və AC qruplarına və dövlət qulluğu vəzifələrinin B növündəki (inzibati icraçı vəzifələr) BA və BB qruplarına uyğun vəzifələr üzrə test imtahanları keçiriləcək.

"The Daily Baku"xəbər verir ki, bu barədə Dövlət İmtahan Mərkəzi (DİM) məlumat yayıb.

İmtahanlar elektron formada kompüterlər vasitəsilə Bakı və Naxçıvan şəhərlərində təşkil olunacaq.

BA və BB vəzifə qruplarına uyğun imtahan saat 10:00-da, AB, AC vəzifə qruplarına uyğun imtahan isə saat 16:00-da başlanır.

İmtahanda iştirak etmək istəyən namizədlərin qeydiyyatı 2026-cı il 10 fevral saat 12:00-dan 1 mart saat 18:00-dək aparılacaq.