Çin Xarici İşlər Nazirliyi Tayvana silah satışına görə ABŞ-nin 10 vətəndaşına və 20 müdafiə şirkətinə sanksiyalar tətbiq edib.
Bu barədə "The Daily Baku" "Reuters" agentliyinə istinadən məlumat verib.
Sanksiyalar siyahısında "Boeing"in Sent-Luisdəki filialı da yer alır.
Nazirlikdən bildirilib ki, bu tədbir çərçivəsində sanksiyaya məruz qalan şəxslərin və şirkətlərin Çindəki bütün aktivləri dondurulur, Çin təşkilatlarına və fiziki şəxslərə onlarla əməkdaşlıq etmək qadağan edilir.
Bundan başqa, sanksiyalar siyahısında olan şəxslərin ölkəyə girişi də qadağan edilib.
© 2026 The Daily Baku. Bütün hüquqlar qorunur.
https://dailybaku.az/az/article/cin-abs-ye-qarsi-sanksiyalar-tetbiq-edib