BMTM-də “Prezident İlham Əliyevin Zəngilana səfəri zamanı etdiyi çıxış ətrafında müzakirələr” adlı dəyirmi masa keçirib

“Prezident İlham Əliyevin Zəngilana səfəri zamanı etdiyi çıxış ətrafında müzakirələr” adlı dəyirmi masa keçirilib.

"The Daily Baku" xəbər verir ki, tədbirin açılış nitqini BMTM-in şöbə müdiri Mətin Məmmədli səsləndirib və Azərbaycanın regional prioritetinin sülh olduğunu bildirib. O, həmçinin Ermənistanda keçiriləcək parlament seçkilərində revanşist qüvvələrin hakimiyyətə gələcəyi halda sülh prosesinin riskə düşə biləcəyini qeyd edib.

BMTM-in İdarə Heyətinin sədri Fərid Şəfiyev regionda müharibələrin davam etdiyini, İran ətrafında gərginliyin saxlandığını və Azərbaycana qarşı müxtəlif istiqamətlərdən təzyiqlərin olduğunu bildirib.

BMTM-in İdarə Heyətinin üzvü Cavid Vəliyev Türkiyə–Ermənistan sərhədlərinin açılmasının kritik məsələ olduğunu, prosesin Azərbaycanla koordinasiyada aparıldığını vurğulayıb.

Cənubi Qafqaz Tədqiqatlar Mərkəzinin direktoru Fərhad Məmmədov Ermənistanda tarixin təhrif olunduğunu və bu məsələlərin geosiyasi alətlər kimi istifadə edilə biləcəyini qeyd edib.

Milli Məclisin deputatı Vüqar Bayramov isə iki ölkə arasında 38 məhsul üzrə ticarət potensialının olduğunu, dövriyyənin 300 milyon dollara qədər arta biləcəyini və enerji-nəqliyyat əməkdaşlığının genişlənə biləcəyini bildirib.

Çıxışçılar arasında həmçinin siyasi şərhçi Ülviyyə Zülfiqar, BMTM-in şöbə müdiri Vasif Hüseynov, Bakı Politoloqlar Klubunun sədri Zaur Məmmədov, millət vəkilləri və digər şəxslər də yer alıb. Dəyirmi masa müzakirələrlə davam edib.