BƏƏ XİN İranın Hörmüzdə tankerə PUA hücumu etdiyini bildirib

İran hərbçiləri Hörmüz boğazında ADNOC şirkətinin tankerinə iki pilotsuz uçuş aparatı (PUA) ilə hücum edib, xəsarət alan yoxdur.

"The Daily Baku" xəbər verir ki, bu barədə Birləşmiş Ərəb Əmirliklərinin (BƏƏ) Xarici İşlər Nazirliyinin (XİN) sosial şəbəkələrdəki məlumatında bildirilib.

"BƏƏ ADNOC-a məxsus milli tankerə Hörmüz boğazından keçidi zamanı edilən hücumu qınayır", - məlumatda qeyd olunub.