The Daily Baku
BƏƏ-nin energetika naziri WUF13-də ölkəsinin nümayəndə heyətinə rəhbərlik edəcək
7 may 2026
12:54

Azərbaycanda keçiriləcək Ümumdünya Şəhərsalma Forumunun On Üçüncü Sessiyasında (WUF13) BƏƏ nümayəndə heyətinə ölkənin energetika naziri Süheyl əl-Məzrui rəhbərlik edəcək.
Bu barədə BƏƏ-nin Bakıdakı səfirliyindən bildirilib.
"Energetika və infrastruktur naziri Süheyl Məhəmməd əl-Məzrui Bakıda keçiriləcək WUF13-də iştirak edəcək", - diplomatik missiyadan qeyd edilib.
Xatırladaq ki, WUF13 mayın 17-22-də Bakıda keçiriləcək.
Forum Azərbaycanın BMT-nin Məskunlaşma Proqramı (UN-Habitat) ilə sıx əməkdaşlığı çərçivəsində təşkil olunur. Forumun əsas məqsədi dayanıqlı şəhərsalma, "ağıllı şəhər"lər və innovativ şəhər həlləri sahəsində qlobal təcrübələrin mübadiləsini təmin etməkdir.
© 2026 The Daily Baku. Bütün hüquqlar qorunur.
https://dailybaku.az/az/article/bee-nin-energetika-naziri-wuf13-de-olkesinin-numayende-heyetine-rehberlik-edecek