BƏƏ Hörmüz boğazındakı gərginliklə bağlı beynəlxalq reaksiyaya çağırır

Hörmüz boğazından dünya birliyinə siyasi və iqtisadi təzyiq vasitəsi kimi istifadə edilməsi yolverilməzdir.

"The Daily Baku" xəbər verir ki, bu barədə Birləşmiş Ərəb Əmirlikləri (BƏƏ) Xarici İşlər Nazirliyinin bəyanatında deyilir.

XİN-dən bildirilib ki, Hörmüz boğazı qlobal enerji təchizatının təxminən beşdə biri üçün həyati bir keçiddir və beynəlxalq ticarətdə mühüm rol oynayır.

"Hörmüz boğazından iqtisadi məcburiyyət və ya şantaj vasitəsi kimi istifadə edilməsini qəti şəkildə rədd edir və kollektiv beynəlxalq reaksiya tələb edirik, çünki bu, regiondan kənara çıxaraq bütövlükdə qlobal iqtisadiyyata təsir edən iqtisadi müharibə və piratçılıqdır", - bəyanatda qeyd edilib.