Azərbaycan və Çin enerji sahəsində əməkdaşlığı genişləndirməyi müzakirə edib

Azərbaycan və Çin arasında enerji sahəsində potensial investisiya layihələrində iştirak imkanları müzakirə olunub.

"The Daily Baku" xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

"Çinin "PowerChina Resources Ltd." şirkətinin icraçı vitse-prezidenti Hi Şiyou ilə görüşümüzdə "SOCAR Green" MMC ilə birgə fəaliyyət çərçivəsində Hacıqabul rayonunda həyata keçirilən günəş elektrik stansiyası layihəsinin icra vəziyyəti və növbəti addımlarla bağlı müzakirələr apardıq. Enerji sahəsində potensial investisiya layihələrində iştirak imkanlarına toxunduq", -deyə nazir qeyd edib.