Avropa Komissiyası Ukrayna ilə PUA sahəsində yeni əməkdaşlığa başlayır

Avropa Komissiyası Ukrayna tərəfi ilə birgə pilotsuz uçuş aparatları (PUA) üzrə Avropa İttifaqı-Ukrayna Alyansını (EU-Ukraine Drone Alliance) yaradır.

Bu barədə "The Daily Baku" Avropa Komissiyasına istinadən xəbər verir.

"Bu məqsədlərə nail olmaq üçün biz Avropa İttifaqı (Aİ) və ya Ukraynada müdafiə təyinatlı PUA-lar və onlara qarşı mübarizə vasitələri sahəsində təsdiqlənmiş təcrübə və biliyə malik hüquqi şəxs olan, eləcə də alyansın fəaliyyətində fəal iştirak etməyə hazır olan uyğun namizədlər axtarırıq. Bu ilk müsabiqənin məqsədi onun fəaliyyətini və prioritetlərini müəyyən etmək bacarığına malik ilk şuranı formalaşdıracaq alyansın təsisçi üzvlərinin seçilməsidir", – sənəddə qeyd olunub.