Xameneinin dəfni səbəbindən Tehranda uçuşlara məhdudiyyət tətbiq olunacaq

İran hakimiyyəti ölkənin keçmiş ali rəhbəri Əli Xameneinin dəfn mərasimi zamanı təhlükəsizlik tədbirləri çərçivəsində iyulun 6-sı Tehran üzərində hava məkanını tamamilə bağlayacaq.

''The Daily Baku'' "Mehr"ə istinadən xəbər verir ki, bu barədə Milli Mülki Aviasiya Təşkilatının rəhbəri Hosseyn Purfarzanə bildirib.

Onun sözlərinə görə, həmin gün İmam Xomeyni və Mehrabad beynəlxalq hava limanlarının fəaliyyətinin məhdudlaşdırılması da planlaşdırılır.

Xatırladaq ki, İranın keçmiş ali lideri Əli Xamenei fevralın 28-də ABŞ və İsrailin zərbələri nəticəsində həlak olub. Döyüş əməliyyatları səbəbindən onun dəfni dörd ay təxirə salınıb və yalnız tərəflərin iyunun 18-də münaqişənin nizamlanmasına dair memorandum imzalamasından sonra, iyul ayında mümkün olub.