Rubio Yaxın Şərqdə bir sıra yüksək səviyyəli görüşlər keçirməyi nəzərdə tutur

ABŞ Dövlət katibi Marko Rubio gələn həftə bir neçə Yaxın Şərq ölkəsinə işgüzar səfər etməyi planlaşdırır.

"The Daily Baku" xəbər verir ki, bu barədə öz mənbələrinə istinadən "Axios" portalının müxbiri Barak Ravid məlumat yayıb.

"Rubio gələn həftə Yaxın Şərqə səfər planlaşdırır: iki mənbə qeyd edib ki, hazırda proqrama Küveyt, BƏƏ və Bəhreyn daxildir", - Ravid "X" sosial şəbəkəsində yazıb.

Daha əvvəl ABŞ Dövlət katibi Livan Prezidenti Cozef Aunla telefon danışığı aparıb və orada Livan tərəfinə dəstəyini ifadə edib. Rubio bildirib ki, Vaşinqton ölkədə təhlükəsizlik və sabitliyin təmin edilməsi və dövlət hakimiyyətinin onun bütün ərazisinə yayılması üzərində işləyəcək.