Mərkəzi Bank 2026-cı ildə manatın məzənə sabitliyini hədəfləyir

Azərbaycan Mərkəzi Bankı 2026-cı il üçün pul siyasətinin əsas istiqamətlərini açıqlayıb.

"The Daily Baku" xəbər verir ki, bəyanatda deyilir ki, əsas məqsəd növbəti ildə də inflyasiyanı 4±2 faiz hədəf diapazonunda saxlamaqdır. Mərkəzi Bank bildirir ki, bu məqsədə nail olmaq üçün qərarlar makroiqtisadi proqnozlara əsaslanacaq, həm daxili, həm də xarici risklər daim izlənəcək.

Qurumun proqnozuna görə, 2026-cı ildə illik inflyasiya təxminən 5.7% olacaq və bu göstərici hədəf çərçivəsindədir. Bəyanatda 2025-ci ilin nəticələrinə də toxunulur.

Qeyd olunur ki, il ərzində ölkədə makroiqtisadi sabitlik qorunub, inflyasiya nəzarətdə saxlanılıb və valyuta bazarında tarazlıq təmin olunub. 2025-ci ilin 9 ayında cari əməliyyatlar hesabı 3 milyard ABŞ dolları profisitlə, strateji valyuta ehtiyatları isə 11 ayda 17.7% artaraq 83.6 milyard ABŞ dollarına çatıb. Mərkəzi Bank vurğulayır ki, 2026-cı ildə də mövcud pul siyasəti rejimi saxlanılacaq, manatın məzənnə sabitliyi və maliyyə bazarlarında tarazlıq əsas prioritetlərdən biri olacaq.